Samarqandda 11 yoshli qizni Damas bosib ketdi
Qizning bir oyog‘i kesib tashlangani aytilmoqda.

Samarqand viloyatining Pastdarg‘om tumanida 11 yoshli qizni Damas urib yubordi. Holat yuzasidan viloyat IIB YHXB maʼlumot berdi.
Holat 31 mart kuni soat 11:30 lar atrofida Pastdarg‘om tumani Boltali mahallasi hududidan o‘tuvchi 4R-46 avtomobil yo‘lining 14-kilometrida yuz bergan. Unda Damas haydovchisi piyodalar o‘tish joyidan yo‘lning chap tomonidan o‘ng tomoniga kesib o‘tayotgan voyaga yetmagan qizni urib yuborgan. Oqibatda piyoda olgan tan jarohatlari bilan RSHTYOIM Samarqand filialida statsionar tartibda davolanmoqda.
Mazkur holat yuzasidan JKning 266- moddasi 1- qismi bilan jinoyat ishi qo‘zg‘atilib, surishtiruv harakatlari olib borilmoqda.







