Janubiy Koreyada hech narsa qilmaslik musobaqasi o‘tkazildi
Bunday noodatiy tadbir mamlakatda har yili bo‘lib o‘tadi.
Tanlov shartlari juda oddiy: 90 daqiqa davomida siz hech narsa qilmay o‘tirishingiz kerak. Faqat uxlab qolish yoki telefonga chalg‘ish mumkin emas.
Bu musobaqa har yili ushbu mamlakatda o‘tkaziladi. Unda eng barqaror pulsga ega bo‘lgan, yaʼni eng xotirjam inson g‘alaba qozonadi.
Ko‘plab insonlar bu musobaqa ishdagi stress va ruhiy charchoqdan xalos etgani uchun unda ishtirok etishga xohish bildiradi. Va bu haqiqatan ham ko‘p odamlarga yordam beradi.
