Lacetti avtobus bilan to‘qnashib ketdi
Oqibatda 21 yoshli yigit vafot etgan.
Jizzax viloyati IIB YHXB xabariga ko‘ra, hodisa 2024-yil 25-may kuni 09:15 larda Sh.Rashidov tumanidan o‘tgan yo‘lda sodir bo‘lgan.
2003-yilda tug‘ilgan Navoiy viloyati Xatirchi tumanida yashovchi S.A. Lacetti’ni Samarqand-Toshkent yo‘nalishida boshqarib borayotib, qayrilib olshi qismida 4.1.1 yo‘l belgisiga amal qilmasdan orqaga qayrilgan.
Shu vaqtda Toshkent-Samarqand yo‘nalishda harakatlanib ketayotgan 1971 yilda tug‘ilgan Toshkent viloyati Qibray tumanida yashovchi X.R. boshqaruvida bo‘lgan yo‘lovchi avtobusning yo‘liga chiqib ketib, YTH sodir qilgan.
Natijada, Lacetti salonida bo‘lgan 2003-yilda tug‘ilgan yo‘lovchi olgan jarohatlari tufayli voqea joyida vafot etgan. 2004-yilda tug‘ilgan yana bir yo‘lovchi va avtomashina haydovchisi olgan tan jarohatlari bilan shifoxonaga yotqazilgan.
