Blogerlar piar uchun Spark oynasini sindirib tashlashdi
Hozirda ularga nisbatan qamoq jazosi tayinlangan.
Ijtimoiy tarmoqda Xorazmda Nexia-3 va Spark avtomashinalari haydovchilari yo‘lda o‘zaro gap talashib qolishi natijasida Nexia-3 haydovchisi Spark avtomashinasini to‘xtatib, uning old peshoynasini oyoqlari bilan sindirgani aks etgan video tarqaldi.
Aniqlanishicha, video tasvirda aks etgan holat insta-blogerlar tomonidan joriy yilning 21-may kuni sahnalashtirilgan holda suratga olingan.
Hozirda ushbu holat yuzasidan MJtKning 183-moddasiga asosan maʼmuriy bayonnomalar rasmiylashtirilib, huquqiy baho berish uchun sudga yuborilgan.
Sud hukmiga ko‘ra, ularning biriga 15 sutka, yana biriga esa 10 sutka maʼmuriy qamoq jazosi tayinlandi.
