Surxondaryodagi chegarada 1 mlrdlik noqonuniy sigaretlar to‘xtatib qolindi
Ular yuk mashinasida xufyona tarzda olib o‘tilayotgan bo‘lgan.
“Ayritom” chegara bojxona postiga qo‘shni davlatdan kirib kelgan fuqaro T.B. boshqaruvidagi yuk mashinasi belgilan tartibda bojxona postida mavjud inspeksion ko‘rik majmuasidan o‘tkazilgan. Ushbu jarayonda rentgen tasvirlari avtotransport vositasida yuk kuzatuv hujjatlarida ko‘rsatilgan tovarlardan boshqa tovarlar borligi ko‘rsatgan. Shundan so‘ng avtotransport vositasi xolislar ishtirokida bojxona ko‘rigidan o‘tkazilgan.
Natijada avtotransport vositasi yukxonasida xorijda ishlab chiqarilgan va aksiz markalari bo‘lmagan umumiy qiymati 1 mlrd 26 mln so‘mlik jami 27 000 quti sigaret mahsulotlari aniqlangan.
Hozirda mazkur holat yuzasidan bojxona organlari tomonidan tekshiruv harakatlari olib borilmoqda.
