Andijon — Asaka yo‘lida Onix urib yuborgan Labo ag‘darilib ketdi
18 yoshli yigit haydovchilik guvohnomasiga ega bo‘lmagan holda mashina boshqargan.
Bu haqida viloyat YHXB xabar berdi.
Holat 27-may kuni soat 15:20 larda Andijon tumani “Chem” mahallasi Andijon — Asaka yo‘nalishida sodir bo‘lgan.
2006 yilda tug‘ilgan m.m. o‘zining Onix mashinasini tegishli hujjatlarsiz (haydovchilik guvohnomasiga ega emas) boshqarib borishi davomida tezlik meʼyoriga hamda oraliq masofa saqlash qoidalariga rioya qilmagan.
Oqibatda, rul boshqaruvini yo‘qotib, o‘zi bilan bir yo‘nalishda oldinda harakatlanib ketayotgan Labo‘ning orqa qismiga borib urilishi ortidan yo‘l-transport hodisasi sodir etgan.
Mazkur YTH oqibatida Labo va Onix texnik shikastlangan, Labo‘ning yo‘lovchisi shahar shifoxonasiga murojaat qilgan.
