Ertadan yerni magnit bo‘ronlari qoplaydi

 

Yaqionda quyoshda kuchli chaqnash sodir bo‘lgani haqida xabar berilgan edi. Shundan so‘ng Yerni 31-may va 1-iyun kunlari kuchli magnit bo‘ronlari qoplaydi. Bu haqda Meteoagent o‘z prognozini e’lon qildi.

 

Mazkur kunlarda K-indeksida 6 balli magnit bo‘roni kuzatilishi kutilmoqda. K-indeks geomagnit faollikni va bo‘ronlarni tavsiflovchi ko‘rsatkichdir. U qanchalik baland bo‘lsa, magnit bo‘roni shunchalik kuchli bo‘ladi.

 

Ta’kidlanishicha, bunday kunlarda hatto sog‘lom odamlar salomatligida ham o‘zgarishlar kuzatiladi. Magnit bo‘roni salbiy ta’sirining eng keng tarqalgan ko‘rinishlari quyidagilar hisoblanadi:

 

• bosh aylanishi va bosh og‘rig‘i;

• uyqu buzilishi;

• diqqatni jamlash bilan bog‘liq muammolar;

• qon bosimning buzilishi;

• surunkali kasalliklarning kuchayishi;

• og‘riqlar, shuningdek, bo‘g‘imlardagi og‘riq;

• ishtaha buzilishi va ko‘ngil aynishi;

• holsizlik.

Bunday kunlarda organizmga yordam bo‘lishi uchun kuniga kamida 7-8 soat uxlash maslahat berilgan. Rasiondan yog‘li va achchiq ovqatlarni olib tashlab, qahva miqdorini kamaytirib, ko‘proq o‘simliklardan tayyorlangan choy va suv iste’mol qilish kerak.