FVV aholini sarosima ko'tarmaslikka chaqirdi
30-maydan 1-iyun kuniga qadar Toshkent shahrida qo‘mondonlik-shtab o‘quv mashqlari o'tkaziladi.
Olmazor tumanida qo‘mondonlik-shtab o‘quv mashqi o‘tkaziladi. Bu haqda FVV axborot xizmati xabar berdi.
Ma’lum qilinishicha, 2024-yilning 30-may kunidan 1-iyun kuniga qadar Toshkent shahar Olmazor tumanining bir nechta ob’yekt va manzillarida bir vaqtning o‘zida "Olmazor tumani boshqaruv organlari, FVDT hududiy va funksional quyi tizimlarining favqulodda vaziyatlarni bartaraf etish bo‘yicha harakatlari" mavzusida qo‘mondonlik-shtab o‘quv mashqi o‘tkazilishi rejalashtirilgan.
"O‘z navbatida, Favqulodda vaziyatlar vazirligi fuqarolardan aholi orasida sarosima ko‘tarmaslik maqsadida, mazkur o‘quv mashqlarini o‘tkazish davridagi amaliy jarayonlarga oid materiallarni noto‘g‘ri talqin qilmaslik, balki mavjud ma’lumot va axborotlardan unumli hamda oqilona foydalanishni so‘rab qoladi", — deyiladi xabarda.
