Bayramda shifoxonadagi bolalar holidan xabar olindi
Milliy gvardiya xodimlari bemor bolalar uchun bayram tashkilladi.
Xalqaro bolalarni himoya qilish kuni munosabati bilan Sog‘liqni saqlash vazirligi tomonidan Milliy gvardiya bilan hamkorlikda Bolalar gematologiyasi, onkologiyasi va klinik immunologiyasi markazining yosh bemorlari uchun bayram tadbiri tashkil etildi.
Milliy gvardiya alohida namunali ko‘rgazmali harbiy orkestri jamoasi hamda Ashula va raqs ansambli xonandalari ijrosidagi mashhur kompozitsiya va milliy kuylar, xususan bolalik, do‘stlik hamda Vatan haqidagi kuy-qo‘shiqlar namoyish etildi. Tadbirda bolalar va ularning ota-onalari, muassasa tibbiyot xodimlari qatnashdi.
Bolalar va ularning ota-onalari Jamoat xavfsizligi universiteti faxriy qorovul bo‘linmasining yurishini hayajon bilan tomosha qilishdi.
Qo‘l jangi texnikasi mahoratini namoyish yetgan harbiy xizmatchilarning ko‘rgazmali chiqishlari barchaga chinakam zavq bag‘ishladi.
Qiziqarli va unutilmas lahzalar o‘g‘il-qizlarga haqiqiy barabanlarda chalish, ot va yoqimtoy ponida minish imkoniyatini berdi.
