Qozog‘iston “Tolibon”ni terrorchilar ro‘yxatidan chiqardi
Bu haqda To‘qayev maʼlum qildi.
Qozog‘iston prezidenti KXSHT Parlamenti Assambleyasi Kengashi yig‘ilishida Afg‘onistondagi vaziyatga alohida to‘xtalib, hozirgi bosqichdagi strategik vazifalardan biri Afg‘onistonni mintaqalararo aloqalarga faol jalb etish ekanini taʼkidladi.
“Qozog‘iston zamonaviy Afg‘oniston bilan savdo-iqtisodiy hamkorlikni rivojlantirish muhimligi va bu rejim uzoq muddatli omil ekanligini anglagan holda Tolibon rejimini terrorchilar ro‘yxatidan olib tashladi”, – dedi u.
To‘qayev, shuningdek, Olmaotada BMTning Markaziy Osiyo va Afg‘oniston uchun Barqaror rivojlanish maqsadlari bo‘yicha mintaqaviy markazini tashkil etish bo‘yicha tashabbusini qo‘llab-quvvatlashga chaqirdi.
