Toshkentlik erkak qo‘shni ayolni ayovsiz kaltakladi
Holat yuzasidan rasmiy munosabat bildirildi.
Ijtimoiy tarmoqlarda Toshkent shahrida erkak kishi ayol kishiga qo‘l ko‘targani aks etgan video tarqaldi. Holat yuzasidan shahar IIBB maʼlumot berdi.
Holat joriy yilning 1 iyun kuni soat 17:00 larda Yashnobod tumani Ohangrabo ko‘chasida joylashgan ko‘p qavatli uylarning birida sodir bo‘lgan.
1998 yilda tug‘ilgan, ruhiy-asab kasalliklari dispanserida ro‘yxatda turuvchi A.A. qo‘shnisi - 1986 yilda tug‘ilgan N.X. va uning voyaga yetmagan farzandlari bilan o‘zaro tortishib qolgan. So‘ng A.A. fuqaro N.X. ni sochidan sudrab kuch ishlatgan.
Mazkur holat yuzasidan Yashnobod tumani IIO FMB tomonidan tergovga qadar tekshiruv o‘tkazilmoqda.
Fuqaro A.A. ruhiy-asab kasalliklari shifoxonasiga joylashtirilgan.
