Xitoyda yoshlar qariyalar uyiga ko‘chib o‘tmoqda
Ular shu tariqa ish va o‘qishdan dam olmoqchi.
Hozirda qariyalar uyida yashovchilarning asosiy qismini 20 yoshdan 30 yoshgacha bo‘lgan yoshlar tashkil etadi. Ular umrining oxirigacha shu yerda yashash niyatida emas, balki ish va o‘qishda biroz tanaffus qilish maqsadida shu yerga kelishadi.
Muassasada kun ertalab qahva ichish bilan boshlanadi, keyin tog‘da meditatsiya seansi bo‘ladi. Tushlikdan keyin uyda yashovchilar dehqonchilik, daryoda baliq ovlash va umumiy oshxonada kechki ovqat tayyorlash bilan shug‘ullanadi. Oqshomlari esa kechki suhbat, karaoke kabi ko‘ngilochar tadbirlar uyushtiriladi.
