“Biznesni rivojlantirish banki” Amiti universiteti bilan hamkorlik yo‘lga qo‘ydi

“Biznesni rivojlantirish banki”, “BRB Tech” kompaniyasi va “Toshkent shahridagi Amiti universiteti” o‘rtasida hamkorlik memorandumi imzolandi. Mazkur hujjat birgalikda olib boriladigan saʼy-harakatlar majmuyini nazarda tutadi.

 

 

Memorandumga muvofiq tomonlar quyidagi yo‘nalishlarda hamkorlikni amalga oshirishadi:

 

— Zamonaviy axborot texnologiyalari va taʼlim faoliyati sohasida O‘zbekiston Respublikasida axborot jamiyatini yana-da rivojlantirish uchun ustuvor ahamiyatga ega bo‘lgan tadqiqotlarni tatbiq etish;

 

— Sunʼiy intellekt texnologiyalarini bank sohasiga joriy etish yo‘nalishida ilmiy- tadqiqot faoliyatini amalga oshirish;

 

— O‘zaro manfaatli qo‘shma anjumanlar, tadbirlar, seminarlar, akademik mashg‘ulotlar tashkil etish;

 

— Ilmiy-tadqiqot faoliyatini amalga oshirish;

 

— Belgilangan vazifalarni bajarish uchun tomonlar, binolar, texnika va jihozlardan foydalanish imkoniyatini yaratish;

 

— Ishlab chiqarish amaliyotini o‘tkazish, kadrlar tayyorlash sifatini oshirish;

 

— O‘zaro kelishuv bo‘yicha boshqa yo‘nalishlar.

 

 

Yana bir yangilik – KPMG xalqaro kompaniyasi bilan hamkorlikda “Biznesni rivojlantirish banki”ning 2024-2026 yillarga mo‘ljallangan rivojlantirish strategiyasi ishlab chiqilmoqda. Mazkur hujjat loyihasi yaqinda bank xodimlari ishtirokida o‘tkazilgan strategik sessiyada qizg‘in muhokama qilindi.