Andijonda soxta bankir qo‘lga tushdi
U o‘zgalar nomiga 336 mln onlayn kredit rasmiylashtirgan.
Qayd etilishicha, Andijon viloyatida yashovchi 26 yoshli ayol ariza bilan murojaat qilib, nomaʼlum sabablarga ko‘ra uning nomiga kredit rasmiylashtirilganligini va aybdor shaxsga qonuniy chora ko‘rishlikni so‘ragan.
Tezkor-qidiruv xizmati Kiberxavfsizlik bo‘linmalari xodimlari tomonidan o‘tkazilgan tezkor-qidiruv tadbirlari natijasida ushbu jinoyatni Andijon viloyatida yashovchi T.A. sodir etganligi aniqlangan.
Maʼlum bo‘lishicha, T.A. fuqarolarga bankdan onlayn kredit olishda yordam berishini aytib, ularni aldab, jami 336 mln so‘m atrofida kredit rasmiylashtirib, pullarni noqonuniy o‘zlashtirganligi maʼlum bo‘lgan.
Mazkur holat yuzasidan T.A.ga nisbatan O‘zbekiston Respublikasi JKning 168-moddasi 3-qismi bilan jinoyat ishi qo‘zg‘atilgan.
Qonunga muvofiq, O‘zbekiston Respublikasi Jinoyat kodeksining 168-moddasi 3-qismidagi jinoiy xatti-harakatlar uchun 5 yildan 8 yilgacha ozodlikdan mahrum qilish jazosi nazarda tutilgan.
