Endi davlat xizmatchilari qabul qilgan sovg‘alarning elektron ro‘yxati shakllantiriladi
Bu bo‘yicha elektron platforma ishga tushirilmoqda.
Korrupsiyaga qarshi kurashish agentligi hamda Adliya vazirligi hamkorligida “Manfaatlar to‘qnashuvi to‘g‘risida”gi qonunning mazmun-mohiyati, yangiliklari va ahamiyati yuzasidan matbuot anjumani bo‘lib o‘tdi.
Unda maʼlum qilinishicha, 2022-2023 yillarda davlat xaridlari bo‘yicha 573 mlrd so‘mlik 4,5 mingta shartnoma manfaatlar to‘qnashuviga yo‘l qo‘yilgan holda tuzilgan.
Qonunga ko‘ra, endilikda “E-anticor.uz” platformasida manfaatlar to‘qnashuvini aniqlash va onlayn monitoring qilish imkonini beruvchi elektron modul ishga tushiriladi. Shuningdek, davlat organlari va tashkilotlari xodimlari o‘rtasida manfaatlar to‘qnashuvi bo‘yicha bilim va ko‘nikmalarini baholash uchun onlayn test sinovlari ham o‘tkaziladi.
