Jizzaxda 28 marta qoida buzgan qidiruvdagi haydovchi ushlandi
U jarimalarni muntazam to‘lamay kelgan.

Jizzax viloyatida fuqaro D.O. boshqaruvidagi Gentra avtotransport vositasi yo‘llarda 28 marotaba qoidabuzarlik sodir etib, 32 million so‘m maʼmuriy jarimalar qo‘llanilgan.
Mazkur jarimalar o‘z vaqtida to‘lanmaganligi sababli MIBning Sh.Rashidov tuman bo‘limiga kelib tushgan. Majburiy ijro harakatlari davomida avtotransportga nisbatan qidiruv eʼlon qilingan.
Byuroning qidiruv shoʻbasi va YHXB xodimlari tomonidan hamkorlikda o‘tkazilgan qidiruv tadbirida mazkur Gentra avtotransport vositasi Jizzax-Paxtakor yo‘nalishida harakatlanayotganligi aniqlanib, jarima maydonchasiga joylashtirilgan.







