Saida Mirziyoyeva AQSH savdo vakili bilan uchrashdi
Muloqotda O‘zbekistonning iqtisodiy islohotlari eʼtirof etildi.
Prezident yordamchisi Saida Mirziyoyeva AQSH savdo vakili Ketrin Tay bilan uchrashdi. Bu haqda u o‘zining rasmiy telegram kanalida maʼlum qildi.
Muloqot davomida O‘zbekiston iqtisodiy islohotlarni faqatgina statistika – yuqori ko‘rsatkichlar uchun emas, balki eʼtiborni, avvalo, xalq manfaatlari va farovonligiga qaratib, buni davlat siyosati darajasiga ko‘targan holda amalga oshirayotgani taʼkidlandi.
“Biz xalqaro savdo tizimining to‘laqonli ishtirokchisiga aylanish niyatidamiz va O‘zbekistonning JSTga aʼzo bo‘lish jarayonini jadallashtirishda AQSH ko‘magiga tayanamiz”, deb yozdi Mirziyoyeva o‘z postida.
