Toshkentda 4 ta mashina avariyaga uchradi
Holat yuzasidan rasmiy maʼlumot berildi.
Bugun, 11 iyun kuni Toshkent shahrining Chilonzor tumanida to‘rtta mashina ishtirokida yo‘l-transport hodisasi yuz berdi.
Holat soat 16:10 larda Chilonzor tumani Bunyodkor shohko‘chasida sodir bo‘lgan. Unda 1995-yilda tug‘ilgan B.D. boshqaruvida bo‘lgan Nexia-3, 1995-yilda tug‘ilgan B.S. boshqaruvida bo‘lgan Lacetti, 1960-yilda tug‘ilgan Y.K. boshqaruvida bo‘lgan King Long va 2003-yilda tug‘ilgan M.O. boshqaruvida bo‘lgan Spark o‘zaro to‘qnashib ketgan.
YTH oqibatida tan jarohat olganlar yo‘q. Holat yuzasidan Toshkent shahar IIBB YHXB masʼul xodimlari tomonidan surishtiruv harakatlari olib borilmoqda.
