Endi nomaqbul bayonot beradigan chet elliklar O‘zbekistonga kiritilmaydi
Bu bo‘yicha Qonun loyihasi eʼlon qilindi.
O‘zbekistonning davlat suverenitetiga, hududiy yaxlitligiga va xavfsizligiga zid bo‘lgan, davlatlararo, Ijtimoiy, milliy, irqiy hamda diniy adovatni keltirib chiqaruvchi hamda O‘zbekiston xalqining shaʼnini, qadr-qimmatini yoki tarixini tahqirlovchi ommaviy chiqishlar qilgan yoxud harakatlar sodir etgan chet el fuqarolari (yoki fuqaroligi bo‘lmagan shaxslar) mamlakatda bo‘lishi nomaqbul deb topiladi.
Bir guruh deputatlar tomonidan ishlab chiqilgan qonun loyihasiga ko‘ra, bunday shaxslarga besh yil davomida O‘zbekistonga kirish, banklarda hisobvaraq ochish, ko‘chmas mulk sotib olish, davlat mulkini xususiylashtirishda ishtirok etish, moliyaviy va shartnomaviy munosabatlarga kirishish taqiqlanadi.
O‘zbekiston hududida qonuniy asoslarda yashash va bo‘lish huquqi bekor qilinib, mazkur shaxs deportatsiya qilinadi.
