Qarshi va Namangandan Istanbulga to‘g‘ridan-to‘g‘ri reyslar yo‘lga qo‘yildi
Parvozlar haftada bir marta seshanba kunlari amalga oshiriladi.
Qanot Sharq aviakompaniyasi O‘zbekistonning ikki shahridan Istanbulga muntazam yo‘lovchi qatnovlarini yo‘lga qo‘ymoqda.
11 iyundan Istanbul va Namangan o‘rtasida havo qatnovi yo‘lga qo‘yildi. Parvozlar haftada bir marta seshanba kunlari Airbus A321 samolyotlarida amalga oshiriladi. Shuningdek, 13 iyundan boshlab aviatashuvchi Qarshi – Istanbul – Qarshi yo‘nalishi bo‘yicha parvozlarni boshlaydi. Parvozlar haftada bir marta payshanba kunlari Airbus A321 samolyotlarida amalga oshiriladi.
Iyun oyi yakuniga O‘zbekistonning sakkiz shahridan – Toshkent, Samarqand, Buxoro, Urganch, Nukus, Farg‘ona, Namangan va Qarshidan Istanbulga to‘g‘ridan-to‘g‘ri muntazam qatnovlar amalga oshiriladi.
Shuningdek, Qanot Sharq aviakompaniyasi yaqin orada Qarshidan yana ikki yo‘nalish Qarshi – Moskva – Qarshi va Qarshi – Sankt-Peterburg – Qarshi yo‘nalishlarida parvozlarni yo‘lga qo‘yishni rejalashtirgan.
