Samarqandda daraxt kesgan fuqaro 9 mln jarimaga tortildi
U bog‘chadagi sog‘lom teraklarni kesib tashlagan.
Samarqand viloyati Narpay tumanida noqonuniy daraxt kesilishi bilan bog‘liq holat aniqlandi. Bu haqda Ekologiya vazirligi xabar berdi.
Qayd etilishicha, fuqaro U.I. tumanning Islomobod mahallasida joylashgan 6-sonli davlat maktabgacha taʼlim muassasasi hududida sog‘lom terakni kesib tashlagan.
Ushbu holat yuzasidan huquqbuzarga nisbatan MJtKning 79-moddasi 1-qismi bilan maʼmuriy bayonnoma rasmiylashtirilib, tabiatga yetkazilgan 1 020 000 so‘m zarar va BHMning 25 baravari, yaʼni, 8 500 000 so‘m miqdorida jarima qo‘llanilgan.
