Samarqandlik erkak qaynota va qaynonasini pichoqlab qo‘ydi
Bunga uning rafiqasi bilan yuzaga kelgan janjal sabab bo‘lgan.
Samarqand viloyati Payariq tumanida erkak qaynotasi va qaynonasini pichoqlab o‘ldirdi. Bu haqda Bosh prokuratura Matbuot xizmati rahbari Hayot Shamsutdinov xabar berdi.
Maʼlum qilinishicha, joriy yil 10 iyun kuni soat 12:00 atrofida 1988 yilda tug‘ilgan M.J. qaynotasi R.J.ning yashash uyiga kelib, turmush o‘rtog‘i Z.A. bilan oilaviy kelishmovchiligi natijasida kelib chiqqan janjal davomida qaynotasi va qaynonasini pichoqlab qo‘ygan.
Erkak yashash uyi mehmonxonasida dastlab qaynonasi J.N.ga, so‘ng qaynotasi J.R.ga oshxona pichog‘i bilan jarohat yetkazgan. Olgan og‘ir tan jarohatlari oqibatida N.J. va R.J. voqea joyida vafot etishgan.
Mazkur holat yuzasidan J.M.ga nisbatan JKning 97-moddasi 2-qismi “a”, "J" bandlari bilan jinoyat ishi qo‘zg‘atilgan.
