Chet tili sertifikatlari natijasi eʼlon qilindi
Sertifikat elektron tizimda to‘g‘ridan to‘g‘ri aks etadi.
2024 yil 11 maydan 12 iyunga qadar bo‘lib o‘tgan chet tilini bilish darajasini aniqlash test sinovi natijalari eʼlon qilindi.
Talabgorlar my.gov.uz saytining “Mening arizalarim” bo‘limi orqali o‘z natijalari bilan tanishishlari mumkin.
Test sinovidan muvaffaqiyatli o‘tganlar o‘z sertifikatlarini my.gov.uz sayti orqali elektron tarzda yuklab oladilar.
Eslatib o‘tamiz, o‘z natijasidan norozi bo‘lgan talabgorlar test natijalari eʼlon qilingan kundan boshlab 3 kun ichida my.gov.uz sayti orqali apellyatsiya shikoyati berishlari mumkin.
Shuningdek, chet tilidan tegishli daraja (B2 va undan yuqori daraja)dagi milliy sertifikatga ega bo‘lgan abituriyentlardan oliy va professional taʼlim muassasalariga kirish test sinovlarida ishtirok etish uchun my.uzbmb.uz saytida ro‘yxatdan o‘tishda sertifikatni yuklash talab etilmaydi.
Sertifikat haqidagi maʼlumotlar tizimda to‘g‘ridan to‘g‘ri aks etadi.
