Toshkentda notcoin sotgan yigit qamaldi
Yigit kriptovalyuta sotib olib, uni noqonuniy ravishda boshqa shaxsga o‘tkazgan.
Maʼlum bo‘lidshicha, Andijon viloyatida tug‘ilgan fuqaro Telegramʼdagi Ton Space notcoin bo‘limi orqali 1 iyundan 7 iyungacha kriptovalyutani sotib olib, boshqa shaxsga o‘tkazib yuborgan.
21 iyun kuni Toshkent shahar Bektemir tuman sudida ushbu ish bo‘yicha sud majlisi bo‘lib o‘tdi.
Sud jarayonida yigit o‘z aybiga iqror bo‘lib, oilaviy sharoitini hisobga olib, unga nisbatan yengillik so‘radi.
Sud yigitni Maʼmuriy javobgarlik to‘g‘risidagi kodeksining tegishli moddasi bilan aybdor deb topdi. Unga nisbatan 7 sutkaga maʼmuriy qamoq jazosi tayinlandi. Shuningdek, yigitga tegishli bo‘lgan iPhone 13 Pro Max telefoni ham musodara qilindi.
