Isroildagi o‘zbekistonliklar ogohlantirildi
Elchixona ehtiyot choralarini ko‘rishni tavsiya qildi.
O‘zbekistonning Isroildagi elchixonasi mazkur mamlakatda bo‘lib turgan o‘zbekistonliklarga ehtiyot choralarini ko‘rishni tavsiya qildi.
Elchixona Isroildagi mavjud xavfsizlik vaziyati sabab quyidagi ehtiyot choralarini ko‘rishni qatʼiy tavsiya qildi:
— Isroilning ayrim hududlariga borishdan saqlaning;
— Isroil rasmiylari va O‘zbekiston elchixonasi hamda rasmiy xabarlarini kuzatib boring. Isroil front orti qo‘mondonligi (Home Front Sommand)dan bildirishnoma va ogohlantirishlar olish uchun uning mobil ilovasi yoki veb-sayti orqali ro‘yxatdan o‘ting;
— Shaxsni tasdiqlovchi hujjatlar va O‘zbekiston elchixonasining aloqa maʼlumotlarini doimo olib yuring. Favqulodda vaziyatlarda bu tezroq yordam olish imkonini beradi;
— Imkon qadar olomondan qoching va jamoat joylariga tashrif buyurishni cheklaning.
