Erik ten Hag manchesterliklar bilan shartnomasini uzaytirdi
U jamoada yana ikki yil qoladi.
“Manchester Yunayted” bosh murabbiyi Erik ten Hag klub bilan shartnomasini 2026-yilgacha uzaytirdi. Bu haqda jamoa matbuot xizmati xabar berdi.
Avvalroq “Manchester Yunayted“ Ten Hagni jamoa bosh murabbiyi sifatida qoldirishga qaror qilgani ma’lum bo‘lgandi.
54 yoshli gollandiyalik murabbiy 2022-yildan buyon jamoani boshqarib kelmoqda. APLning so‘nggi mavsumi yakuniga ko‘ra, “Manchester Yunayted” 38 o‘yinda 60 ochko jamg‘arib, sakkizinchi o‘rinni egalladi. Shuningdek, Angliya kubogini qo‘lga kiritdi. Bu klubga kelasi mavsumda Yevropa ligasida ishtirok etish imkonini beradi.
Yangi kelishuv 2026-yilning yoziga qadar amal qiladi. Rahbariyat mavsum so‘ngida Angliya kubogi qo‘lga kiritilganidan so‘ng shunday qarorga kelgan.
