UzAuto Motors sayti kiberhujumga uchradi
Kecha Cobalt uchun shartnoma ochilishi eʼlon qilingandi.
Maʼlumotlarga ko‘ra, bugun kompaniya sayti orqali 14 250 dona Chevrolet Cobalt xaridi uchun onlayn kontraktatsiya tuzilgan.
14 209 ta tuzilgan shartnomalar One ID tizimida ro‘yxatdan o‘tgan va ular 1 ta dan ko‘p bo‘lmagan avtomobil uchun shartnoma tuzgan jismoniy shaxslarga to‘g‘ri keladi. 41 ta shartnoma yuridik shaxslar ulushiga to‘g‘ri keldi.
Onlayn kontraktatsiya jarayonida UzAutoSavdo tizimida 5 000 dan ortiq kiberhujum amalga oshirildi. UzAuto Motors mutaxassislari tomonidan ularning oldini olindi. Avtomobil xaridi uchun kontraktatsiya jarayoni mobaynida UzAvtosavdo platformasi faoliyatida uzilishlar kuzatilmadi.
