Toshkentda 3 ta mashina avariyaga uchradi
Oqibatda haydovchilardan biri halok bo‘lgan.
Kecha, 9 iyul kuni Sergeli tumanining Qipchoq ko‘chasida 3 ta avtomashina ishtirokida yo‘l-transport hodisasi yuz berdi. Unda 2 ta Spark va 1 ta Honda rusumli avtomashinalar o‘zaro to‘qnashib ketgan.
YTH oqibatida 3 nafar fuqaroga tez tibbiy yordam xodimlari tomonidan birinchi yordam ko‘rsatilgan.
To‘qnashuv oqibatida Sparkda bo‘lgan haydovchi ayol shifokorlarning say harakatlariga qaramasdan olgan tan jarohatlari natijasida vafot etgan. Shuningdek, yana 2 kishi jarohatlanib, shifoxonaga yotqizilgan.
Hozirda mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan.
