Toshkent aeroportida yo‘lovchi noyob tanga bilan qo‘lga tushdi
U taxminan miloddan avvalgi III asrga tegishli bo‘lgan.
Toshkent xalqaro aeroportida Makedonskiy davridagi tangani yashirincha olib o‘tishga uringan yo‘lovchi aniqlandi. Bu haqida “Toshkent-AERO” ixtisoslashtirilgan bojxona kompleksi axborot xizmati xabar berdi.
Qayd etilishicha, 12 iyul kuni soat 01:05 larda aeroport chegara-bojxona posti xodimlari tomonidan “Toshkent-Urumchi” yo‘nalishi bo‘yicha uchib ketayotgan Xitoy Xalq Respublikasi fuqarosi S.J.ga tegishli yo‘l sumkalari bojxona ko‘rigidan o‘tkazilgan.
Natijada yo‘lovchining sumkasida bojxona nazoratiga taqdim etilmagan, jami 1 dona eramizdan avvalgi taxminan III asrda ishlab chiqarilgan Makedonskiy rasmi tushirilgan oq rangli metalldan yasalgan qadimiy tanga borligi aniqlangan.
Hozirda Holat yuzasidan surishtiruv harakatlari olib borilmoqda.
