Buxorolik ayol eriga jahl qilib, qizlarini kaltakladi
Holat yuzasidan viloyat IIB maʼlumot berdi.
Ijtimoiy tarmoqda ayol egizak qizlarini haqoratlab, kaltaklagani aks etgan videolar tarqalmoqda
Holat Jondor tumani Navgadi MFY Mahmud Torobiy ko‘chasida yashovchi fuqaro tomonidan sodir etilgan.
Maʼlum bo‘lishicha, ayolning eri bir necha yildan buyon Rossiya Federatsiyasida ishlab kelmoqda. Ayol erining ular holidan xabar olmayotgani va yetarlicha pul jo‘natmayotganidan jahllanib, voyaga yetmagan qizlarini urib, kaltaklab, videotasvirga olgan va eriga jo‘natgan.
Mazkur holat yuzasidan hozirgi vaqtda Jondor tumani Ichki ishlar bo‘limi tomonidan tergovga qadar tekshiruv harakatlari olib borilmoqda.
