Toshkentda erkak ayolini rashk sabab o‘ldirib qo‘ydi
Hozirda gumonlanuvchi protsessual tartibda ushlangan.
Maʼlum qilinishicha, erkak va ayol non ishlab chiqarish korxonasida birga ishlab kelgan. Ayolni yaqindan tanigan guvohning so‘zlariga ko‘ra, erkak ayolning ikkinchi turmushi bo‘lib, u bilan sharʼiy nikohda yashab kelgan. Ularning 1 nafar farzandi bo‘lgan.
Eri ayolini har doim rashk qilgan va shu sabab ko‘p janjallashgan. Voqea sodir bo‘lgan kuni eri unga 19 marta pichoq urgan.
Mazkur holat yuzasidan 11-iyul kuni Yangihayot tumani prokuraturasi tomonidan erkakka nisbatan JKning 97- moddasi bilan jinoyat ishi qo‘zg‘atilgan. Gumonlanuvchi protsessual tartibda ushlanib, hozirda tergov harakatlari olib borilmoqda.
