Toshkent aeroportida “uchiradigan” saqichlar to‘xtatib qolindi
Hozirda holat yuzasidan surishtiruv harakatlari olib borilmoqda.
Toshkent xalqaro aeroportida tarkibida giyohvandlik moddalari bo‘lgan saqichlar to‘xtatib qolindi. Bu haqida “Toshkent-AERO” IBK axborot xizmati maʼlum qildi.
Qayd etilishicha, 15-iyul kuni 23:00 larda chegara-bojxona posti xodimlari tomonidan Frankfurt — Toshkent yo‘nalishi bo‘yicha uchib kelgan Qozog‘iston Respublikasi fuqarosiga tegishli yo‘l sumkalari bojxona ko‘rigidan o‘tkazilgan.
Uning sumkasidan bojxona nazoratiga tegishli tartibda taqdim etilmagan, tarkibida kannabis moyi mavjud bo‘lgan jami 3 dona CANNABIS CHEWING GUM, 3 dona CANNABIS CHEWING GUMS CBD hamda 3 dona CANNABIS CHEWING GUMS CBD nomli saqichlar borligi aniqlangan.
Hozirda holat yuzasidan surishtiruv harakatlari olib borilmoqda.
