0
Toshkentda gastronomik ko‘chalar soni yana bittaga ortadi
Sodiq Azimov ko‘chasining bir qismi 24 soatlik gastronomik ko‘chaga aylantiriladi.
Toshkent markazidagi Sodiq Azimov ko‘chasining bir qismini ham 24 soatlik gastronomik ko‘chaga aylantirish rejalashtirilmoqda.
Xabarga ko‘ra, loyiha doirasida yoritish ustunlarini yangilash, o‘rindiq va axlat qutilarini o‘rnatish, yangi ko‘chatlar ekish, sug‘orish tizimini tashkil etish, musiqa tizimini tashkil etish rejalashtirilgan.
Piyodalar yo‘laklarini yangilash va kengaytirish, velosiped yo‘laklarini tashkil qilish, yo‘l chetlari bo‘ylab avtoturargohlar, bolalar maydonchalarini yaratish maqsad qilinmoqda.
Mavjud umumiy ovqatlanish shoxobchalaridan tashqari, ko‘chada fudtraklar paydo bo‘ladi va ko‘cha taomlarini sotadi.
