Sirdaryoda yuk mashinasi va Matiz avariyaga uchradi
Holat yuzasidan YHXB rasmiy munosabat bildirdi.
Kecha, 20 iyul kuni Sirdaryo viloyatining Xovos tumanida ikkita avtomashina ishtirokida yo‘l-transport hodisasi yuz berdi.
Holat Xovos tumani Bunyodkor mahallasi hududidan o‘tuvchi avtoyo‘lda sodir bo‘lgan. Dushanbe — Toshkent yo‘nilishida “Iveko” rusumli yuk mashinasi haydovchisi o‘zi bilan bir yo‘nalishda harakatlanib ketayotgan Matizʼning orqa chap yonidan urilgan.
Mazkur yo‘l-transport hodisasi natijasida og‘ir turdagi tan jarohati olganlar yo‘q. Hozirda holat yuzasidan Xovos tumani IIB Yo‘l harakati xavfsizligi guruhi tomonidan surishtiruv harakatlari olib borilmoqda.
