Qoraqalpog‘istondagi avariyada 8 kishi halok bo‘ldi
Holat yuzasidan rasmiy maʼlumot berildi.
Qayd etilishicha, 22 iyul kuni Qo‘ng‘irot tumani hududidan o‘tuvchi “G‘uzor-Buxoro-Nukus-Beyneo‘” avtomobil yo‘lida Lacetti va Cobalt avtomobili o‘zaro to‘qnashib ketgan.
Oqibatda Lacetti rusumli avtomobil haydovchisi va uning yo‘lovchisi, 1986 yil Qo‘ng‘irot tumanida yashagan A.B. hamda Cobalt rusumli avtotransport haydovchisi U.D. hodisa joyida vafot etgan.
Shuningdek, Lacetti yo‘lovchisi hamda Cobalt yo‘lovchilari — 1993 yil Mo‘ynoq tumanida yashagan T.A., 1997 yil Qo‘ng‘irot tumanida yashagan K.T., 1971 yil Mo‘ynoq tumanida yashagan K.K., 1994 yil Qo‘ng‘irot tumanida yashagan S.R.lar Qo‘ng‘irot tumani tibbiyot birlashmasiga tan jarohati bilan yotqizilib, ko‘rsatilgan tibbiy muolajalarga qaramasdan olgan tan jarohati oqibatida vafot etgan.
Mazkur holat yuzasidan Qoraqalpog‘iston Respublikasi IIV huzuridagi Tergov boshqarmasi tomonidan Jinoyat Kodeksining 266-moddasi 3-qismi “a” bandi bilan jinoyat ishi qo‘zg‘atilib tergov harakatlari olib borilmoqda.
