Ansu Fati yana jarohat oldi
Tiklanish jarayoni qancha vaqt olishi hozircha noma’lumligicha qolmoqda.
“Barselona” rahbariyati o‘tgan mavsumni ijara asosida “Brayton”da o‘tkazgan Ansu Fati bo‘yicha rejasini o‘zgartirib, 21 yoshli futbolchiga jamoa safida o‘zini ko‘rsatish uchun imkon berishga qaror qilgan edi.
Kataloniya klubi matbuot xizmatining ma’lum qilishicha, Ansu Fati mavsumoldi tayyorgarlik mashg‘ulotlarining birida oyog‘idan jarohat olgan.
Endi Ansu Fati tayyorgarlik ko‘rish o‘rniga konservativ davo usuli orqali jarohatdan qutilish bo‘yicha ishlaydi. Tiklanish jarayoni qancha vaqt olishi hozircha noma’lumligicha qolmoqda.
