Toshkent viloyatida psixotrop dori sotuvchi ota-bola ushlandi
Ular uyida 900 mln so‘mlik dorilarni saqlab kelgan.
Tezkor tadbir davomida fuqaro X.S. nazoratdagi xaridorga 70 dona “amino-metil” hamda 3 dona “tropikamid” kuchli taʼsir qiluvchi dori vositalarini 4 mln 300 ming so‘mga sotayotgan vaqtida ushlangan.
Uning yonidan yana shu kabi 7 dona kuchli taʼsir qiluvchi dori vositalari daliliy ashyo sifatida olingan.
Surishtiruvlar davomida mazkur dorilarni nazoratdagi xaridorga 1981 yilda tug‘ilgan shaxs yetkazishi kerak bo‘lgan. Ammo ota bu ish uchun 18 yoshli o‘z farzandini yuborgan.
Tezkor tadbir davom ettirilib, ota-bolaning yashash xonadoni ko‘zdan kechirildi. Natijada 9,8 ming dona “Zardeks”, 250 dona “Aminometil” hamda 15 dona “tropikamid” (qora bozordagi narxi 857 mln so‘mlik) kuchli taʼsir qiluvchi, psixofaol dori vositalari sotish maqsadida xonadonda saqlanayotganligi aniqlanib, daliliy ashyo sifatida olingan.
Hozirda mazkur shaxslarga nisbatan JKning 251-1-moddasi (kuchli taʼsir qiluvchi yoki zaharli moddalarni qonunga xilof ravishda muomalaga kiritish) 3-qismi bilan jinoyat ishi qo‘zg‘atilgan. Tergov harakatlari olib borilmoqda.
