Buxorolik yigit sobiq sevgilisining behayo suratlarini tarqatib yubordi
Hozirda unga nisbatan jinoiy ish ochilgan.
Qayd etilishicha, Buxoro viloyatida yashovchi Ya.Sh. Kiberxavfsizlik markaziga murojaat qilib, o‘zining uyatli foto hamda video tasvirlari nomaʼlum shaxs tomonidan Telegram‘da tarqatib yuborilganligini aytgan.
Maʼsullar tomonidan o‘tkazilgan tezkor-qidiruv tadbirlari natijasida jinoyatni Buxoro viloyatida yashovchi R.R. sodir etganligi aniqlangan.
Gumonlanuvchi sifatida tergov organlariga jalb etilgan R.R. jabrlanuvchi Ya.Sh. bilan maʼlum vaqt ishqiy munosabatda bo‘lib kelgan va uning turli behayo fotosuratlarini Telegram orqali qo‘lga kiritib, uning qarindoshlariga tarqatib yuborganligi maʼlum bo‘ldi.
Holat yuzasidan R.R.ga nisbatan Jinoyat Kodeksining 141/3-moddasi 2-qismi bilan jinoyat ishi qo‘zg‘atilgan.
