“O‘zbekkonsert” sanʼatkorlarning maʼmurlarini ogohlantirdi
Muassasa litsenziyasiz administratorlar javobgarlikka tortilishini bildirdi.
Qayd etilishicha, “Litsenziyalash, ruxsat berish va xabardor qilish tartib-taomillari to‘g‘risida”gi qonun hamda Hukumat qaroriga asosan konsert-tomosha yo‘nalishida faoliyat olib borayotgan maʼmur (administrator)lar litsenziya asosida faoliyat yuritishi belgilangan.
Maʼmurlik (administrator) - litsenziyalanishi lozim bo‘lgan faoliyat turiga kiradi. Konsert-tomosha faoliyatini amalga oshirish huquqi uchun faoliyat turiga qarab davlat boji bir jismoniy shaxsga bir yil hisobidan to‘lanadi.
Litsenziyalanishi lozim bo‘lgan faoliyat bilan litsenziyasiz shug‘ullanish — fuqarolarga bazaviy hisoblash miqdorining o‘n besh baravaridan yigirma baravarigacha, mansabdor shaxslarga esa — yigirma baravaridan yigirma besh baravarigacha miqdorda jarima solishga sabab bo‘ladi.
