Samarqandda Cobalt 3 yoshli bolani urib yubordi
Hodisa oqibatida bolakay vafot etgan.
Qayd etilishicha, tumanning Quyi Algar mahallasida 1986 yilda tug‘ilgan haydovchi I.R. Cobalt mashinasini Toyloq-Urgut avtomobil yo‘lida Urgut yo‘nalishi tomon boshqarib borayotib, yo‘ldan o‘tayotgan 2021 yilda tug‘ilgan N.N.ni urib yuborgan. Buning oqibatida bolakay vafot etgan.
IIB EKMning xulosasiga ko‘ra, Cobalt mashinasining rul boshqaruvi va ishchi tormoz tizimi soz holda bo‘lgan. Shuningdek, haydovchi mashinani favqulodda tormozlab, to‘xtatib qolish yo‘li bilan hodisaning oldini olish uchun texnik imkoniyatga ega bo‘lganligi ko‘rsatilgan.
Holat yuzasidan I.R.ga nisbatan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Haydovchiga nisbatan qamoqqa olish tarzidagi ehtiyot chorasi qo‘llangan.
