Surxondaryoda haydovchi mashinasiga bolani osiltirib harakatlandi
Holat yuzasidan rasmiy munosabat bildirildi.
Surxondaryo viloyatida harakatlanayotgan mashinaga osilib ketayotgan bola videosi tarqalib, ko‘plab muhokamalarga sabab bo‘ldi.
Viloyat Yo‘l harakati xavfsizligi boshqarmasi holat yuzasidan maʼlumot berdi. Unga ko‘ra, YPX xodimlari tomonidan qoidalarda nazarda tutilgan tartib hamda majburiyatlar xususida haydovchi va yo‘lovchiga tushuntirish ishlari olib borilgan.
Haydovchi holatni sezmaganini, 200 metrcha yurganidan keyin ko‘rgach, tushirganini aytgan. Shuningdek, bu xavfli ekani va boshqa takrorlanmasligini taʼkidlagan.
