Surxondaryoda yo‘l talashgan mashina jarlikka tushib ketdi
Holat yuzasidan rasmiy munosabat bildirildi.
Ijtimoiy tarmoqda Surxondaryo viloyatining Sariosiyo tumanida yo‘l talashgan mashinalardan biri jarlikka tushib ketgani aks etgan video tarqalmoqda.
Maʼlum qilinishicha, holat 1 avgust kuni 15:00 larda Sariosiyo tumani Xonjiza mahallasi hududidan o‘tuvchi yo‘lda sodir bo‘lgan. 2003 yilda tug‘ilgan haydovchi UAZ rusumli avtomobilda harakatlanayotib, o‘zi bilan bir yo‘nalishda oldinda borayotgan UAZ rusumli transport vositasini quvib o‘tayotgan vaqtda avtomobilning o‘ng tomoni to‘qnashgan. Natijada haydovchi rul boshqaruvini yo‘qotib, transport vositasi yo‘ldan chiqib ag‘darilgan.
Hodisa oqibatida ag‘darilgan UAZ avtomashinasining salonida bo‘lgan 6 nafar yo‘lovchilariga birinchi tez tibbiy yordam ko‘rsatilib, uy sharoitida davolanishga ruxsat berilgan.
Mazkur holat yuzasidan to‘plangan hujjatlar ko‘rib chiqishlik uchun jinoyat ishlari bo‘yicha sudga yuborilmoqda.
