Toshkent aeroportida kuchli taʼsir qiluvchi dorilar olib o‘tishga urinish fosh etildi
Hozirda holat yuzasidan surishtiruv harakatlari olib borilmoqda.
6-avgust kuni soat 10:00 larda Toshkent xalqaro aeroporti chegara-bojxona xodimlari tomonidan Dehli — Toshkent yo‘nalishi bo‘yicha uchib kelgan, O‘zbekiston fuqarosiga tegishli bo‘lga 1 dona chemodan tegishli ravishda bojxona nazoratidan o‘tkazilgan.
Unda bojxona nazoratiga belgilangan tartibda taqdim etilmagan, og‘zaki so‘rovda maʼlum qilinmagan sifati kafolatlanmagan, hech qanday shifokor tomonidan berilgan tasdiqlovchi hujjatlarsiz jami 261 dona “Pregabalin Capsules IP 300 mg” nomli dori vositasi, 465 dona “Trameb - p Tramadol Hydrochloride and Acetaminophen Tablets USP” nomli dori vositasi, 63 dona “Tropicamide Ee Drops IP 5 ml” nomli dori vositalari borligi aniqlangan.
Hozirda holat yuzasidan surishtiruv harakatlari olib borilmoqda.
