Sirdaryoda suv taʼminoti xodimi kaltaklandi
U qarzdorlikni undirish paytida fuqaro tomonidan qarshilikka uchragan.
Sirdaryoda erkak suv taʼminoti xodimlarini bo‘g‘ib, kaltakladi.
Maʼlum qilinishicha, Sardoba tumanida fuqarolarning qarzdorligini undirish maqsadida borgan suv taʼminoti xodimlari mast holatdagi fuqaro tomonidan kaltaklandi.
“Ushbu xonadonda bugungi holatda 800 ming so‘m qarzdorligi bor. Bu xonadonga bir necha marotaba ogohlantirish xati berilgan. Isteʼmolchi tomonidan so‘kish, urish holatlari yuzaga keldi”, — deydi kaltaklangan xodim.
Xodimlarni bo‘g‘ish darajasiga borgan shaxs sud zalida pushaymonligini aytgan. Sud unga nisbatan Maʼmuriy Javobgarlik to‘g‘risidagi Kodeksning 183 moddasi (Mayda bezorilik) bilan 5 sutka qamoq jazosini tayinlagan.
