Bahodir Jalolov ikki karra Olimpiada chempioniga aylandi
O‘zbekiston hisobida oltin medallar soni 8 taga yetdi.
Mahoratli bokschimiz Bahodir Jalolov Parij-2024 yozgi Olimpiya o‘yinlari doirasida bugungi final janglariga ajoyib nuqta qo‘ydi. Eng og‘ir vazn toifasida ishtirok etgan hamyurtimiz chempionlik jangida ispaniyalik Ayub G‘adfani o‘zining kuchli va aniq zarbalari oldida ojiz qoldirdi.
Ushbu olamshumul g‘alabadan keyin O‘zbekiston erkaklar terma jamoasi Olimpiadani 5 ta oltin medal bilan yakunlamoqda. Yigitlarimiz umumjamoa hisobida birinchi o‘rinni qo‘lga kiritib, o‘zbek boksining qudratini yana bir karra butun dunyoga ko‘rsatishdi.
Shuning bilan, O‘zbekiston delegatsiyasi hisobidagi medallar 8 ta oltin, 2 ta kumush va 3 ta bronzaga yetmoqda.
