Sukerberg xotiniga bag'ishlab haykal o‘rnatdi
U nyu-yorklik rassom tomonidan yaratilgan.
Facebook asoschisi Mark Sukerberg ayoli Prissilla Changa atab 2 metrlik haykal o‘rnatdi. Qayd etilishicha, haykal Tiffany va Dior brendlari bilan hamkorlikda nyu-yorklik rassom Daniel Arsham tomonidan yaratilgan. Chan yashil rangda tasvirlangan bo‘lib, uning ustiga kumush metalldan ishlangan plash kiydirilgan.
Mark Sukerberg o‘zining Instagram sahifasiga joylagan suratda Channing haykali daraxt tagiga o‘rnatilganini ko‘rish mumkin.
Ma’lumot uchun, Mark Sukerberg va Prissilla Chan 2012-yilda turmush qurishgan. Hozirda ularning uch nafar qizi bor.
