O‘zbekiston — yangi olimpiya mamlakati
Fransiyaning yetakchi ommaviy axborot vositalari O‘zbekiston sportchilarining “Parij-2024” yozgi Olimpiya o‘yinlarida qo‘lga kiritgan tarixiy natijalarini yoritishda davom etmoqda.
O‘zbekiston sportchilari “Parij-2024”da muvaffaqiyatli ishtirok etdi. Jami 13 ta medal (8 oltin, 2 kumush va 3 bronza) qo‘lga kiritgan o‘zbek atletlari yozgi Olimpiya o‘yinlarida ishtirok etgan 206 davlat orasida 13-o‘rinni egalladi. Aytilishicha, mazkur natija O‘zbekistonda sport sohasida amalga oshirilayotgan islohotlarning to‘g‘ri yo‘sinda olib borilayotganidan dalolat beradi.
"2024 yilgi yozgi Olimpiya o‘yinlari O‘zbekistonning yuksak sport salohiyatiga ega mamlakat ekanini bilish imkonini berdi. Xalqaro jamoatchilik 2028 yilda AQSHning Los-Anjelesda bo‘lib o‘tadigan Olimpiya o‘yinlarida o‘zbekistonlik sportchilarning chiqishlarini intizorlik bilan kutadi", — deya qayd etgan La Gazette.
