30,1 milliard rubllik zarar: Ukraina Rossiyadagi Ozon omboriga hujum qildi
Kompaniya ayrim buyurtmalarni bekor qiladi, qolganlarini esa boshqa omborlardan yetkazib beradi.
Ukraina dronlari Rossiyaning Adigeysk shahridagi Ozon logistika markaziga zarba berdi. Hujum oqibatida omborda yong‘in chiqdi. Xodimlar evakuatsiya qilindi, dastlabki ma’lumotlarga ko‘ra, jabrlanganlar yo‘q. Bu haqda kompaniya ma’lum qildi, deb yozadi Meduza.
Ozon hujumga uchragan ombordagi mahsulotlarni sotuvdan vaqtincha olib tashlashini, ularni buyurtma qilish imkoni bo‘lmasligini bildirdi. Kompaniya ayrim buyurtmalarni bekor qiladi, qolganlarini esa boshqa omborlardan yetkazib beradi.
Rossiya Mudofaa vazirligi 709 ta Ukraina droni mamlakatning 14 ta hududi, Qrim, Qora va Azov dengizlari ustida urib tushirilganini bildirgan.
Qayd etilishicha, Ukraina Qurolli kuchlari avgust oyidan buyon Ozon omborlariga hujum qilib kelmoqda. Kompaniya 2026-yilning uchinchi choragi uchun moliyaviy hisobotida bunday hujumlar oqibatida ko‘rgan zararini 30,1 milliard rublga baholagan.
