Ikki viloyatda “prava” olib berishni vaʼda qilgan firibgarlar ushlandi
Hozirda holat yuzasidan jinoiy ish ochilgan.
Xorazm va Jizzax viloyatlarida haydovchilik guvohnomalarini olib berishni vaʼda qilgan firibgarlar ushlandi.
O‘tkazilgan tezkor tadbirda Bog‘ot tumanida fuqaro X.B. 5 nafar fuqaroga go‘yoki viloyat YHXBda ishlovchi tanishlari yordamida haydovchilik guvohnomalarini olib berishi evaziga fuqaro S.M.dan 2 400 AQSH dollari va 1,2 mln so‘m pullarni olgan vaqtida ashyoviy dalillar bilan ushlangan.
Shuningdek, Do‘stlik tumanida o‘tkazilgan tezkor tadbirda fuqaro S.J. fuqaro F.B.ga o‘zini Jizzax shahridagi “D.Sh.” MCHJ avtomaktabi instruktori deb tanishtirib, unga “V.S.” toifadagi haydovchilik guvohnomasini olib berishi evaziga 1 700 AQSH dollari olgan vaqtida ashyoviy dalillar bilan ushlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
