“Qamchiq”da yuk mashinasi YTHga uchradi
Shu sababli dovonda tirbandlik yuzaga kelgan.
Ijtimoiy tarmoqda “Qamchiq” dovonida Toshkentdan vodiyga chiqishda bir tomonlama yo‘lda uzundan-uzun tirbandlik kelib chiqqani haqida xabarlar tarqaldi.
Yo‘l harakati xavfsizligi xizmati maʼlum qilishicha, dovon hududidan o‘tuvchi A-373 avtomobil yo‘lining 229-kilometrida yuk avtomobili sirpanib, YTHga uchragan va shu sababli tirbandlik yuzaga kelgan.
Qo‘shimcha qilinishicha, dovonda kuchsiz yomg‘ir yog‘moqda.
Mazkur hodisa sabab yuk avtomobillariga “Vodiy-Toshkent” yo‘nalishida vaqtincha harakat cheklangan.
